મારી નજરે…..!!!

10 મીનીટનો સમય હોય અને મગજ શાંત હોય તો જ વાંચજો અને આખો લેખ વાંચજો.
આ મારા વિચારો છે નો કોમેન્ટ્સ, નો લાઇક્સ
યોગ્ય લાગે તો શેર કરજો.

મારી નજરે – પાટીદાર અનામત આંદોલન

ગુજરાત અને ગુજરાતીઓ,
જેને જોઈ જોઈને આખો યેે દેશ પ્રગતિ અને ઉન્નતિના ઉદાહરણો રજુ કરે છે તેવો ખમીરવંતો પ્રદેશ એટલે આપણું ગુજરાત ! જ્યાં દરેક કોમની જનતા એક બીજાનો હાથ પકડી ને આગળ વધી છે અને છેલ્લા કેટલાયે વર્ષોથી શાંતિ પ્રિય માહોલમાં સહુની ખુશીમાં એક મેક થઇને આનંદ અને ઉત્સાહનો માહોલ બનાવી સકારાત્મક માહોલ ઉભું કરી રહી છે , તેવું દ્રષ્ટાંત આપતું રાજ્ય એટલે , આપણું ગુજરાત.
પરંતુ આ શાંતિ , પ્રગતિ અને ઉન્નતિ તો માત્ર મારા તમારા જેવા સામન્ય વ્યક્તિઓ ને જ પસંદ હોય છે કે શું ? કેમ કે જો આપણા વિસ્તાર માં કઈ અડપલું ના થાય તો હીરો ગીરી કરીને નેતા બનવાનો મોકો કોને મળે? અને આ મારા સમગ્ર ગુજરાતના ભાઈઓ અને બહેનોની એકતા અને શાંતિને ભંગ કરવા માટેનો પ્રયાસ કરવો એટલે કોઈ કાચા પુચાનું કામ તો હોય નહિ, તેમાં પણ કોઈ અનુભવી જોઈએ.
આ છેલ્લા કેટલાક દિવસોમાં અનામતના મુદ્દાને હથિયાર બનાવી , પાટીદાર સમાજને ખુબ જ સરળ અને દુખતી નસ દબાવી શાંતિ નો માહોલ ડહોળવાનું કાવતરું ઘડવાની પાછળ નો ખરો ચહેરો છે કોણ? સત્ય બતાવીએ તો આપણા જ બંધુ ઓ આપણું મો બંધ કરાવે છે , “ભાઈ તને સમજણ ના પડે, અમને તો અનામત જોઈએ બસ.” આતો આપણા આનંદી બા ની દુકાન થોડી છે મિત્રો કે જરા અમને અનામત આપો ને બા, એટલે બરણી માં થી કાઢી ને આપી દે, લો પાટીદાર લઇ જાઓ અનામત, બીજું કાઈ જોઈએ તો લેતા જજો.
અનામત નો મુદ્દો જરૂર થી આજે પ્રશ્ન બની ચુક્યો છે, અને તેની પર યોગ્ય દિશા માં પગલા લઇ ને તેને નાબુદી તરફ વાળવાના પ્રયાસો જરૂર થી થવા જોઈએ જ . પણ આ જે આપણે જોઈ રહ્યા છે કે આપણી જ સુવિધા માટે બનાવેલી બસો , સરકારી ઈમારતો અને રસ્તા ઓ પર આટ આટલા નુકશાન અને તોડફોડ કરીએ તો શું અનામત મળી જશે? કે પછી નાબુદ થઇ જશે ? કે પછી તમારી બહાદુરી નો ખયાલ આવી જશે? આટલી જ બહાદુરી હોય મારા બંધુ ઓ , તો ચાલો બોર્ડર ઉપર, તમારા જેવા સાહસિકો ની તો દેશ ને સખ્ત જરૂર છે. જરા સીમા ની પેલે પાર જઈ ને આટલી તોડફોડ કરી આવશો તો દેશવાસીઓ ને ઘણો ગર્વ થશે આપ ની ઉપર.
પણ ના મિત્રો , તેમ નથી , આતો જેમ દિગ્દર્શક ની સ્ક્રીપ્ટ તૈયાર થાય અને તે મુજબ કલાકારો રોલ નિભાવે બિલકુલ તેમ થયું છે. તો ખરી વાર્તા છે શું ? કેમ પાટીદારો ને જ ટાર્ગેટ બનાવાયા? કેમ અનામત નો મુદ્દો ઉઠયો ? કેમ ૨૨ વર્ષ ના નવયુવાન ને રાતો રાત હીરો બનાવી દેવામાં આવ્યો? અને આ બધા પાછળ છે કોણ?
આજથી અંદાજે એકાદ દોઢ વર્ષ પહેલા લોકસભાની ચુંટણી ના સમય માં આજકાલ ના ઉદભવેલા મહાન યુગપુરુષ પ.પૂ.ધ.ધૂ. શ્રી શ્રી અરવિંદ કેજરીવાલ ગુજરાત ની મુલાકાતે આવ્યા હતા. હેતુ હતો કે આ સારુ, મોદી સાહેબ આટલી છાતી ફાડી ને ગુજરાત ના વિકાસ ની બુમો પાડે છે અને આખુયે રાજ્ય તેમનું ભક્ત છે, પણ એવું તો ના બને , કોઈક તો તેમની વિરુધ માં હશે જ , ચાલો શોધીએ. એટલે તેમના મિત્રો નો જણાવ્યા અનુસાર યુગપુરુષ તે દરેક ગામડા ઓ માં ચાલ્યા જ્યાં જ્યાં લોકો ને મોદી સરકાર થી મનદુઃખ અને નાના મોટા જમીન બાબતે વિગ્રહો હતા. એટલે તેવા દરેક ગામડા ના ,અલ્પ શિક્ષિત લોકો ને ભોળવવા આ ભડવીર નીકળી પડ્યા અને બધે પોતાની સરકાર ના પ્રચાર કરી દીધા કે અમે તો બહુ સામાન્ય લોકો છીએ અને તમારા જેવા ગરીબો માટે જ કામ કરીએ છીએ. પછી ના દિવસે મીડિયા માં જાહેર કરી દીધુ કે “ભાઈ, અમને તો કોઈ વિકાસ નથી દેખાતો ગુજરાત માં, અહીના લોકો તો ફરિયાદ જ કરે છે મોદી સરકાર ની, અહિયાં તો હજુ એ ઘણો ભ્રષ્ટાચાર છે, વિકાસ નું મોડેલ તો માત્ર અફવા જ છે! અધૂરું માં પૂરું હવે મોદી સાહેબ એ આ યુગપુરુષ ને મળવાની ના પાડી દીધી , એટલે આ શુરવીર ની તપેલી અંદર થી એટલી ગરમ થઇ ગઈ , પણ મીડિયા ની સામે તો રહ્યા ખુબ સામાન્ય નાગરિક એટલે કોઈ પ્રતિભાવ આપ્યો નહિ, પણ અંદરખાને શું રમાયું તે છેલ્લા કેટલાક દિવસો માં ગુજરાત માં થયું.
મહાપુરુષ નો પિત્તો સાત મા આસમાન પર, અપમાન સહન ના થયું એટલે ભાઈ એ નક્કી કર્યું આ પાર કે પેલે પાર, હવે તો મોદી સરકાર ને એમના જ કર્મભૂમિ પર સત્તા પર થી નીચે ઉતારવાનું ઠાની લીધું અને તે પણ એજ ભૂમિ ના લોકો નો આશરો લઇ ને. ખુબ સરસ, તો હવે આગળ શું કરશું મનીષ સિસોદિયા?
અરવિંદ એજ કરવું પડશે જે કરવાથી આપણે પેદા થયા અને અન્ના હજારે નો માર્ગ અપનાવ્યો . એટલે ? એટલે એજ કે આંદોલન, રેલી, ભૂખ હડતાલ, ધરણા, જીદ , હઠ, સરકાર પાસે અયોગ્ય માંગણી અને વળી માંગવાનું પણ એવું જ કે જેમાં પબ્લિક નો પણ ફૂલ સપોર્ટ મળી રહે. હા એ વાત સાચી, પણ નેતા AAP માં થી બનશે તો બધા ને પ્રશ્ન થશે, AAP ને બિલકુલ દુર રાખી ને આ કામ કરવું પડે અને મુદ્દો પણ જોરદાર વિચારવો પડે. અને આ ચર્ચા વિચારણા અને મુલાકાતો માં મળ્યો એક ૨૧ વર્ષીય નવજવાન, જેમાં યુવાની નું લોહી દોડી રહ્યું હોય અને થોડા પૈસા, સત્તા અને પબ્લીસીટી ના જોશ માં તમે કોહ એમ કરી શકે. અને વળી અત્યંત સ્માર્ટ પણ ના હોવો જોઈએ નહિ તો કાલ ઉઠી ને આપણ ને જ ગળે પડે. સમય જતા મળી પણ ગયો હીરો, સમાજ માં થોડા ઘણા કાર્યો માં આગળ પડતો છે અને રાજકારણ માં નાના મોટા સપોર્ટ પણ છે , પૈસા અને પબ્લીસીટી મળશે તો બધું એ કહીશું એમ કરશે.
અરે, તમે ચિંતા ના કરો મહાનુભાવો મારા કરોડો ની સંખ્યા માં પાટીદારો બંધુ ઓ છે, અને અમારામાં એકતા ઘણી છે ,પટેલ બોલ્યા. કેજરીવાલ તો પટેલો ની સંખ્યા અને એકતા અને તેઓ ના ઈતિહાસ ને જોઈ ને જ સ્તબ્ધ થઇ ગયા અને બધું મગજ માં રચાઈ ગયું કે જો આ પટેલો નો સાથ મળી જાય તો ભાજપ ને ઉથલાવી દેવાના દિવસો દુર નથી. મોદી સરકાર બસ દિવસો ગણી લ્યો. સત્તા ની ભૂખ અને લાલચ એટલી હદે લઇ જશે કે પાટીદાર બંધુ ઓ ના પણ માઈન્ડ વોશ થઇ જશે તે ખ્યાલ નહોતો. ચુંટણી નો સમય ખુબ જ નજીક હતો એટલે તે સમયે તો કાઈ થઇ ના શક્યું અને તેમ પણ AAP નો ઘ્યેય લાંબા ગાળા નો છે, આખરે રાજકારણ માં ટકવાનું છે તેમને પણ, નહિ તો કળયુગ ની હાજરી કોણ પુરાવશે.
હવે મોદી સરકાર તો કેન્દ્ર માં જતી રહી છે, અને ગુજરાત માં પણ AAP નું કઈ ખાસ વર્ચસ્વ નથી એટલે કોઈ શંકા પણ નહી કરે. ચાલો ત્યારે રાહ કોની જોવાની, જે જે ઘટના ઓ ૨-૩વર્ષ પહેલા અન્નાં હજારે ના જન્તર મન્તર ગ્રાઉન્ડ પર ના આંદોલન માં રચાઈ હતી બિલકુલ તે માફક ની શરુ કર પટેલ અને ધીરે ધીરે આગળ વધ, યાદ રહે ક્યાય AAP નો પ્રચાર ના થવો જોઈએ કે ક્યાય પણ તારા પટેલો નો તારી પર વિશ્વાસ ના ઉઠવો જોઈએ, અને માંગજે એવું કે મહત્તમ પટેલો તારી સાથે રહે.
બસ ત્યારે સહાયકો ની મદદ થી મુદ્દો મળ્યો “અનામત’, જે મુદ્દા પર આજ સુધી ના જાણે કેટલાયે વર્ષો સુધી રાજનીતિ રમાઈ છે અને કેટ કેટલું દેશ ને નુકશાન થયું છે, અને આજે પણ ભાજપ સિવાય ની દરેક પાર્ટીઓ તેવા મુદ્દા ઓ ને જ ચુંટણી માં હથિયાર બનાવી રહી છે. માગવાની પદ્ધતિ પણ એકદમ સામાન્ય ઘર ના પાટીદારો ને ટચ થઇ જાય એવી, “આપણા બાળકો ને ૯૦% એ પણ MBBS માં પ્રવેશ નથી મળતો, અને અનામત વાળા ૪૦% એ લઇ આવે છે.” જે વાત માં તથ્ય સમ્પૂર્ણ સાચું નથી, હા પણ સમ્પૂર્ણ નકારી શકાય તેમ પણ નથી. એટલે વાત થઇ ડબલ સ્ટેન્ડ ની, તો પછી માગશું પણ ડબલ સ્ટેન્ડ માં જ, એમ કેમ? પાટીદારો ને અનામત આપો, નહિ તો અનામત જ કાઢી દો. એટલે બન્ને પ્રકાર ના વિચારો વાળા આવરી લેવાશે આંદોલન માં. અને વળી તેમાં પણ સરદાર પટેલ ના વંશજ નો ટચ તો આ હા હા હા આહલાદક બની રહેશે. પુર જોશ ભરી દેશે મારા પાટીદારો માં. એટલે બોલો ! જય સરદાર , જય પાટીદાર!. અમને અમારો હક પ્રેમ થી આપો , નહિ તો અમે છીનવી ને લઈશું. વાહ વાહ , શું જોશ આપે આવા વાક્યો., હવે રોકાય એ બીજા પાટીદાર નહિ. અને ત્યાં સુધી કે આવું બધું એટલું ફેલાવો કે જો પાટીદાર નો પુત્ર હોય તો જોડાય, નહિ તો તે ગદ્દાર અને કપૂત કહેવાશે.
કદાચ મારા યુવાન મિત્રો રાજકારણ માં નવા છે એટલે સમજી શકતા નથી કે રાજકારણ માં વિચારો નો મતભેદ હોય તે સ્વાભાવિક છે પણ તેને સન્માન પૂર્વક વધાવો અને ચર્ચા વિચારણા ઓ થકી સત્ય નો વિજય કરાવવાનો પ્રયાસ કરવો જોઈએ, વિચારો ની જોર જબરદસ્તી , બહાદુરી અને હિંસા પ્રયોગ હારેલો અને હરામી રાજકારણી જ કરાવે. બાકી શરૂઆત ની રેલી થી લઇ ને અમદાવાદ ની રેલી સુધી નો તમામ ખર્ચ , જનમેદની સપોર્ટ અને મીડિયા કવરેજ (AAP ને સપોર્ટ કરે છે તે દરેક મીડિયા) જોવા જઈએ તો લાગે છે કે સામન્ય ઘર ના ખેડૂત નો દીકરો ઉઠાવી શકે? જરા ઊંડાણ માં વિચારવાની જરૂર છે બસ. બાકી હક અને મદદ આપવા વાળી કોઈ સરકાર વરકાર નથી મિત્રો, આપણે જાતે જ છીએ.
અને રહી વાત સરદાર ના સપુતો ની તો મિત્રો, જેટલા એ આ આંદોલન માં સાથ આપ્યો છે તેમાંથી મને એક જણ તેવું લઇ આપો જેને લોખંડી પુરુષ સરદાર વલ્લભભાઈ પટેલ ના જીવન ચારિત્ર નું સંપૂર્ણ જ્ઞાન હોય. જેને જ્ઞાન હશે ને તે કોઈ એ આ આંદોલન ને સાથ નથી આપ્યો. સરદાર પોતે આરક્ષણ ના વિરોધી હતા તેમજ આખાયે દેશ ના લોકો ને એ સ્વાવલંબી જીવન જીવવા માટે સક્ષમ કરવાના વિચારક હતા. આજે પાટીદારો માં થી કેટ કેટલાયે પાટીદારો એ આ આંદોલન ને ટેકો નથી આપ્યો અને આ અયોગ્ય માંગણી પ્રત્યે મનો મન દુખ વ્યક્ત કર્યું છે. અને વાત પણ વ્યાજબી છે કે જે વિચાર નો હું પોતે વિરોધી હોઉં તેવા વિચાર ને મારા ઘર માં શું કામ લાવું? તમે આજે દારુ પીવાના વિરોધી હોઉં તો તમારા ઘર માં તમારા પુત્ર ને પીવા દેશો? આતો તેમ જ થયું, મને પોતે જ જો અનામત થી સખ્ત આક્રોશ અને વિરોધ છે તો હું શું કામ તેવું દુષણ મારા સમાજ માં ઘુસવા દઉં? હું પોતે પાટીદાર છું, અને સરદાર વલ્લભભાઈ ને મારા પૂર્વજ અને મારા વડીલ દાદા તરીકે નું સમ્પૂર્ણ માન સન્માન આપું છું તેનો મતલબ તેમ નથી કે કોઈ પણ મારો પાટીદાર બંધુ જય સરદાર ના નામ પર કાઈ પણ કરાવશે હું જોડાઇશ, કદાચ તેને મારા ભાઈ ની ખોટી દિશા માં પહેલ સમજી ને બાંધી મુઠી લાખ ની તેમ વિચારી મારી કોઈ ઈચ્છા વ્યક્ત નહિ કરું પણ મારા ભાઈ, સત્ય ને પીછાણો અને જરા દેશ ના સમગ્ર દેશવાસીઓ ને તમારો સમાજ છે તેમ સમજી ને કાર્ય કરો, માત્ર પાટીદાર જ કેમ ? “ભારત મારો દેશ છે, બધા ભારતીયો મારા ભાઈ બહેન છે” અને રહી વાત આંદોલન ની તો કદાચ આ આંદોલન સમ્પૂર્ણ એક તરફી “અનામત હટાવો” ને કેન્દ્રિત કર્યું હોત તો હું જ નહિ, મારા જેવા અનેક પાટીદારો જ નહિ, સમગ્ર દેશ ના લોકો આંદોલન માં જોડાયા હોત.
પણ ના, બોસ નો આદેશ તો ખાલી ગુજરાત ભડકાવવાનો જ હતો ને એટલે ટાર્ગેટ તો એટલુજ રખાય ને કેમ?
કદાચ આ વાતો નો મને વિશ્વાસ ના આવત , પણ જયારે આંદોલન દરમિયાન આગેવાનો થી ભડકાઉ વચનો સાંભળવા મળ્યા કે ” આવતી ચુંટણી માં ભાજપ ને જોઈ લઈશું, ભાજપ હવે જીતી ને તો બતાવે , ભાજપ ને ઉખેડી ફેકીશું , જો પાટીદાર નો સાથ નહિ આપે તો ભાજપ ગુજરાત માં નહિ બચે” વગેરે વગેરે…એટલે મને શંકા પડી કે આ આંદોલન પાટીદારો ના હિત નું ઓછું પણ ભાજપ વિરોધી વધારે લાગે છે. અને આગેવાનો પણ ખબર હતી કે અનામત આપવું એક એક બે દિવસ નું કામ નથી, તેની પણ એક ચોક્કસ પ્રોસીજર છે જેને સમાજ ના આગેવાનો એ રજૂઆત કરી ને વાત ને આગળ વધાવી શકી હોત , પણ ખ્યાલ હતો કે સરકાર એમ તુરંત તો અનામત આપી શકવાની તો છે નહિ, અને આપશે તો ભાજપ સરકાર અનામત ને ટેકો આપે છે તેવી રીતે દેશ માં બદનામ થશે. એટલે ડબલ ગેમ નું આયોજન થઇ ગયું.
અધૂરું માં પૂરું મારા યુવા આગેવાન એ અમદાવાદ ની રેલી માં ભાષણ માં જે રીતે લોકો ને વિચારતા કર્યા તેવા મુદ્દા અને વ્યક્તિઓ ના નામ ઉછાળ્યા અને તે પણ હિન્દી ભાષા માં એટલે વિશ્વાસ મજબુત થઇ ગયો કે ગુરુ દાળ માં કાઈ કાળું છે.
છેલ્લે મિત્ર ત્યાં સુધી હઠ પર ઉતર્યા કે મુખ્યમંત્રી પોતે નિવેદન લેવા આવશે તો જ માનીશું, ત્યાં સુધી ભૂખ હડતાલ. અરે અરે અરે થંભો ..યાદ આવ્યું કાઈ અન્ના હજારે અને કેજરીવાલ નું આંદોલન? બીલ્કુલ સમાન નથી લાગતું ? હા તો લાગે જ ને સફળ ફિલ્મ નો કલાકાર આજે દિગ્દર્શક થઇ ગયો છે.
અરે મારા ભાઈ બંધુ ઓ , આપણા પ્રધાનમંત્રી દિવસ રાત એક કરી ને દેશ ને વિકાસ ના શિખરો આંબવાના અને ગૌરવ અપાવવાના પ્રયત્નો કરવા પાછળ પડી ગયા છે અને એક આપણે છીએ કે પાટીદાર ને જૈન ને ઠાકોર સમાજ રચવામાં રહી ગયા. શું કામ ગુજરાત ને અને સહુ ને શરમ માં મુકવો છો ? રહી વાત MBBS ના એડમીશન ની તો બધા ને ડોક્ટર જ બની જવું છે ? તો દર્દી કોણ બનશે આ દેશ માં? જો પોતાની જાત અને આવડત પર સમ્પૂર્ણ ભરોસો રાખશો તો કોઈ જ વ્યવસાય કે ફિલ્ડ તમને પ્રગતિ કરવા માટે નથી રોકતી મિત્રો. દેશ ના મહાન વ્યક્તિઓ નું લીસ્ટ કાઢો અને તેમાંથી કેટલા લોકો એ MBBS કર્યું છે બતાવો. શું અબ્દુલ કલામ આરક્ષણ કે MBBS ના લીધે વૈજ્ઞાનિક બન્યા હતા ? શું દેશ ના સહુ ઉદ્યોગપતિઓ અનામત ના લીધે ઉદ્યોગ પતિઓ બની ગયા? અમારા વિસ્તાર નો મિસ્ત્રી તેની આવડત અને કળા થી કદાચ એન્જીનીયર કરતા વધુ કમાય છે , શું અનામત થી તેને મિસ્ત્રી કળા શીખી હશે? અરે ક્યારે સમજશું આપણે આ સત્ય અને આપણા બાળકો ને સમજાવશું કે સ્વપ્નો ધનિક થવાના નહિ પરંતુ મહાન થવાના જુઓ, અને મહાનતા પ્રાપ્ત થશે પોતાના આગવા કાર્યો અને આગવા વિચારો થી, નહિ કે વધુ પૈસા કમાવવાની ભૂખ થી.
ઉપરોક્ત વાત અનામત ને જરા પણ ટેકો નથી આપતી, જે સમયે અનામત ને લાદવામાં આવ્યું હતું તે સમય નો હેતુ અનેક ઘણો સુયોજિત સમાજ વિકસાવવાનો હતો, પરંતુ સમય જતા અનેક રાજકારણી પાર્ટીઓ એ સત્તા અને વોટબેંક ના હેતુ સિદ્ધ કરવા માટે તેનો દુરુપયોગ કર્યો છે , અને તેટલું જ નહિ મારા સમગ્ર દેશ ના આરક્ષણ માં આવતા ભાઈઓ બહેનો ને તુચ્છ, નિર્બળ અને નિસહાય સમજી ને તેઓ ના અસ્તિત્વ ની મજાક ઉડાવી તેઓને એક કદમ નીચે દબાવી રાખી ચુંટણી જીતવાના હેતુ સર દેશ નો એક અતિ ગંભીર મુદ્દો બનાવી દીધો છે અને આજે પણ તેની પર અનેક જાડી ચામડી ના રાજકારણીઓ સત્તા ચલાવે છે અને અંદરો અંદર અશાન્તે અને ભેદભાવ નું માહોલ બનાવે છે. બાકી અનામત અને આરક્ષણ ના લીધે દેશ અત્યાર સુધી કેટ કેટલાયે કરોડો કુશળ અને ભરપુર આવડત ધરાવતા વ્યક્તિઓ ઘુમાવી ચુક્યું છે અને હજુ પણ ઘુમાવી રહ્યું છે, કુશળ નાગરીકો નો મફત માં વિદેશ એક્સપોર્ટ કરાવતો કાયદો બની ગયું છે આ આરક્ષણ.
અને આવા ગંભીર અને અનૈતિક મુદ્દાઓ સાથે રમત કરી ને સત્તા સ્થાપવા ઈચ્છુક દરેક રાજકારણીઓ દેશ ના જ પાડેલા આતંકવાદીઓ છે, અને આજકાલ તો નવી જન્મેલી અને શક્ય દરેક પબ્લીસીટી સ્ટંટ કરી રહેલી AAP દેશ ને સૌથી વધુ નુકશાન અને દેશ માટે અત્યંત ખતરારૂપ બનવાની તૈયારીઓ કરી રહી છે. દેશ ને ISIS કરતા પણ વધુ ભય AAP થી નુકશાન થવાનો છે. શબ્દો યાદ રાખજો કદાચ પૌત્રો રમાડતા હશો ત્યારે ગળે ઉતરશે.
ઘણાયે પાટીદાર મિત્રો હજુ રોષે ભરાયા છે અને બસ અમારે તો અનામત જ જોઈએ તેવું વિચારે
તો તેઓ ને અનુરોધ છે કે આપણા સમાજ માં એવા સક્ષમ , મહેનતુ , સ્વાવલંબી અને ચપળ બાળકો બનાવીએ કે તેઓ પણ કાલ ઉઠી ને દેશ ની કમાન પકડવાને લાયક બને અને ત્યારબાદ આવા આરક્ષણ જેવા મુદ્દા ઓ પર સુજ બુજ થી નિર્ણય લઈને સહુ ને ન્યાય અપાવે. પ્રશ્ન બહુ ગંભીર છે કે આ અનામત ને કાઢે તો કાઢે કોણ, જે સરકાર કાઢે તેને સત્તા માં થી ઉતરી જવાની તૈયારી રાખવી પડે. અને જો મોદી સરકાર આટલી વહેલા ઉતરી જશે તો તે કદાચ આપણી પેઢી નું દુરગામી નુકશાન ભોગવવા તૈયાર રહેવું પડશે મિત્રો, ટૂંક માં આ મુદ્દા માત્ર પર સમગ્ર દેશ માં વોટીંગ થવું જોઈએ અને બહુમત જીતે તે મુજબ જ પગલું ભરવું જ દેશ ના હિત માં રહેશે.
ચાલો મિત્રો , હવે આ ઉચ્ચ નિચ્ચ, જાતિ જ્ઞાતિ, અમીર ગરીબ, કાસ્ટ, વગેરે આપણે મનુષ્યો એ બનાવેલી સહુ પ્રથા ને ભૂલી, એક સમાન દરજ્જો અને સન્માન ધરાવતો સમાજ ઘડવાના પ્રયાસ કરીએ અને આવતી પેઢી ને આરક્ષણ રહિત નું , રાષ્ટ્ર ના હર એક નાગરિક ને એક સમાન તક આપતું રાષ્ટ્ર અપાવવાના પ્રયત્નો ચાલુ રાખીએ.અને રાષ્ટ્ર ના કોઈ પણ સમુદાય અને વ્યક્તિ ની લાગણી દુભાય નહિ તે રીતે સર્વ ને પોતાના ભાઈ બંધુ સમજી એકમેક ને આગળ લાવી સુશિક્ષિત અને સુવિકસિત ભારત નું નિર્માણ કરી માત્ર વિકાસ ની પરિભાષા માં રંગાઇ જઈએ.
જય સરદાર ..  જય પાટીદાર.. જયહિંદ…

કેવું છે આપણુ ગુજરાત?

આ પણ વાંચો….
અહી ક્લીક કરો

Advertisements

1 Comment

  1. ईस का मतलब यह तो नही होत की जनता को नुक़सान पहुँचाना ग़लती तो हर कई करता है तो समजा कर भी तो बता सकते है. दादागिरी कर के ज़बरदस्ती कीसी पर हुकुम ज़माना यह राजनीति नही है और जो अब तक ग़लत हो रहा था उसका भी सुधार करना है लेकीन यह वीडियो देख कर भी समज ना आए तो वह ईन्सान नही ???? है

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s